Наманган шаҳрида «Дўстлик», «Сиҳатгоҳ», «Гўзал», «Меҳнатобод» маҳаллалари ҳудудида янги замонавий жамоатчилик назорат масканлари қуриб битказилди. Бу каби масканлар шаҳарнинг 15 маҳалласида фаолият бошлади, дея «Дарё»га хабар беради вилоят ИИБ матбуот хизмати.
Назорат масканлари замонавий инфратузилмага эга бўлиб, посбонлар ва фуқаролар учун барча шароитлар яртилган, ҳудуд доимий равишда кузатув камералари назорати остида.
Наманган шаҳар ИИБ ташаббуси билан ташкил этилган мазкур жамоатчилик назорат масканларида хизмат олиб борувчи барча посбонлар ойлик маошга эга бўлади. Ёнма-ёнма жойлашган тардбиркорлик субъектларидан тушадиган даромад эвазига ҳар бир маҳаллада камида 5 киши иш билан таъминланади.
Дастлабки босқичда 35 маҳаллада жамоатчилик назорат масканларининг янги механизми иш бошлайди. Айни вақтда фаолият олиб бораётган 67 та маҳалладаги жамоатчилик назорат масканларида худди шундай фаолият йўлга қўйилиши режалаштирилган.
Изоҳ (0)