Жиззах вилояти Мирзачўл тумани «Ғалаба» МФЙда «Обод қишлоқ» дастури асосида қурилиш ишлари бошланди. Бу ҳақда Facebook’даги «Халқ билан мулоқот» гуруҳида маълум қилинди.
29 март куни Ўзбекистон Президенти Шавкат Мирзиёев «Обод қишлоқ» дастури тўғрисида фармонни имзолади. Фармонга кўра, 1 апрелдан бошлаб республиканинг ҳар бир тумани ва шаҳарида, авваламбор, олис ва табиий иқлим шароити оғир ҳудудларда 2018 йилда 2 тадан ва келгуси йилларда 3 тадан қишлоқ (маҳалла)да аҳолининг яшаш шароитларини тубдан яхшилаш, турмуш тарзи ва даражасида сезиларли ижобий ўзгаришларни таъминлашга, мазкур қишлоқ (маҳалла)ларнинг қиёфасини замонавийлаштиришга ва унда истиқомат қилувчилар учун иш ўринларини яратишга қаратилган «Обод қишлоқ» дастури амалга оширилади.
Изоҳ (0)