Гиннеснинг рекордлар китоби сайёранинг энг кекса кишиси сифатида 112 ёшли япониялик Масадзо Нонакуни эътироф этиб адашди. Аслида ингушетиялик 122 ёшли Аппаз Илиев сайёранинг энг кекса кишиси ҳисобланади. Бу ҳақда Ингушетия президенти Юнус-Бек Евкуровнинг сўзларига асосланиб, «ТАСС» хабар бермоқда.
«Бизда Россия рекордлар китоби ва Гиннесснинг рекордлар китоби бўйича ишчи гуруҳ тузилган. Мен улар билан учрашаман ва агар бизнинг ҳамюртимиз 122 ёшли Аппаз Илиевни Гиннесснинг рекордлар китобига киритиш бўйича улар ҳеч нарса қилмаган бўлса, биз бу жараённи тезлаштирамиз», — дейди Евкуров.
Евкуровнинг қўшимча қилишича, Илиев ёшлигиданоқ соғлом турмуш тарзига риоя қилади. У чекмайди, алкоголли ичимликлар ичмайди. Ўз ҳовлисида етиштирилган маҳсулотлар билан озиқланади.
Изоҳ (0)