Қирғизистоннинг Балиқчи шаҳридаги колониядан икки маҳбус — ўзбекистонлик Асқар Бўриев ва тожикистонлик Зафар Исматов қочиб кетди. Бу ҳақда Asia-Plus хабар бермоқда.
Икки маҳбус ҳам 8 апрель куни колония ҳудудини тарк этган ва уч сутка давомида манзилига қайтиб келмаган. Шу боис, қонунга мувофиқ, улар қидирувга берилди.
Мазкур ҳолат юзасидан жиноий иш қўзғатилди, ҳуқуқ-тартибот идораларига қочоқларнинг суратлари юборилди, «Қўлга олиш» режаси эълон қилинди. Қирғизистон жазони ўташ давлат хизмати вакиллари қочоқлар ватанига йўл олган бўлиши мумкинлигини гумон қилмоқда.
Самарқанд вилоятининг Жомбой туманидан бўлган 34 ёшли Асқар Бўриев 2 ой аввал ҳужжатларни сохталаштиргани учун жазога ҳукм қилингани билдирилмоқда.
Изоҳ (0)