Буюк Британия қироличаси Елизавета II АҚШнинг охирги президентларини қаттиқ товушли вертолётларга ўхшатди, деб ёзади Business Insider.
2017 йил июнида телебошловчи сэр Дэвид Аттенборо ҳамроҳлигида Букингем саройидаги боғи бўйлаб сайр қилиб юрганида қиролича вертолёт шовқинини эшитди ва «товуши худди президент Трамп ёки президент Обаманикига ўхшаркан», дея ҳазил қилди. «Улар билан гаплашиб олмоқчи бўлганингда, нима учун нуқул атрофда айланиб учиб юради?» — дея ҳазиломуз норозилигини билдирди у.
Нашр эслатишича, Елизавета II Барак Обама билан унинг ҳукмронлиги даврида икки марта учрашган, Дональд Трамп билан эса ҳали тўқнаш келмаган.
Изоҳ (0)