Тошкентда «Бутунжаҳон саломатлик куни»га бағишланган матбуот анжумани ўтказилди. Бу ҳақда «Дарё» мухбири хабар бермоқда.
Бу йилги саломатлик куни «Соғлиқни сақлаш хизматлари билан оммавий қамров: ҳамма учун ва ҳар ерда» мавзусига бағишланди.
Анжуманда соғлиқни сақлаш хизматлари билан оммавий қамров (ССХОҚ) концепцияси кўриб чиқилди.
Тадбирда Жаҳон соғлиқни сақлаш ташкилоти вакили, доктор Лиан Куппенс иштирок этди. Унда «Барчага саломатлик» тамойили муҳокама қилинди. Унга асосан, ҳар бир фуқаро соғлиқни сақлаш хизматлари билан доимий таъминланиши шарт. Ушбу тамойиллар Ўзбекистон томонидан 2015 йили Барқарор тараққиёт мақсадлари (БТМ) доирасидаги келишувда белгиланган.
Маълумот учун, соғлиқни сақлаш хизматлари учун тўлаш мажбурияти туфайли дунёда 100 миллион киши қашшоқлик даражасида яшайди.
Изоҳ (0)