Ўзбекистоннинг доимий аҳолиси 2018 йилнинг биринчи чорагида 107 минг кишига ёки 0,3 фоизга кўпайиб, 1 апрель ҳолатига 32 миллион 763,7 минг кишига етди. Бу ҳақда Давлат статистика қўмитаси хабар берди.
Бундан шаҳар аҳолиси 16 миллион 583 минг (умумий аҳолининг 50,6 фоизи), қишлоқ аҳолиси 16 миллион 180,7 минг кишини (49,4 фоиз) ташкил этди.
Ҳудудлар кесимида энг кўп аҳоли сони Самарқанд (3 миллион 733,7 минг киши ёки республика аҳолисининг 11,4 фоизи) ва Фарғона вилоятларига (3 миллион 631 минг киши, 11,1 фоиз), энг кам аҳоли сони эса Сирдарё (818,4 минг киши, 2,5 фоиз) ва Навоий вилоятларига (961,3 минг киши, 2,9 фоиз) тўғри келди.
Аҳолининг энг юқори ўсиш суръати 2017 йилнинг шу даврига нисбатан Сурхондарё (2,1 фоиз), Қашқадарё ва Самарқанд (1,9 фоиз), Жиззах, Наманган вилоятлари ва Тошкент шаҳрига (1,8 фоиз), энг кам ўсиш эса Тошкент вилояти (1,1 фоиз), Қорақалпоғистон Республикаси ва Бухоро вилоятида (1,4 фоиз) қайд этилди.
Изоҳ (0)