2018 йилнинг 3 апрель куни Россия стратегик тадқиқотлар институтида «Марказий Осиё минтақаси хавфсизлигининг актуал муаммолари ва уларни ҳал этиш стратегияси — Россия ва Ўзбекистон ёндашувлари» мавзусида Россия—Ўзбекистон илмий конференцияси бўлиб ўтди. Бу ҳақда Россия стратегик тадқиқотлар институти матбуот хизмати хабар берди.
Форумда Ўзбекистон томонидан Ўзбекистон Республикаси фавқулодда ва мухтор элчиси Б.Б. Ашрафхонов, Ўзбекистон Республикаси Президенти ҳузуридаги Стратегик ва минтақалараро тадқиқотлар институти директори В.И. Норов, мазкур институтнинг экспертлари, шунингдек, Фанлар академияси тарих институти, Президент аппарати ва Ташқи ишлар вазирлиги ходимлари иштирок этди.
Конференция давомида томонлар Россия—Ўзбекистон муносабатларининг актуал масалалари, Марказий Осиё давлатлари хавфсизлиги, Афғонистондаги вазият ва унинг минтақавий вазиятнинг ривожланишига таъсири бўйича фикр алмашди.
Конференция якунлари бўйича Россия стратегик тадқиқотлар институти ва Стратегик ва минтақалараро тадқиқотлар институти ўртасидаги ҳамкорликни давом эттириш ҳақидаги келишувга эришилди.
Изоҳ (0)