Навбатдаги ҳарбий унвонлар ҳарбий қисм ва муассасаларда янги ўқув йили бошланишига бағишланган тадбирларда ўз эгаларига тантанали тарзда топширилди. Бу ҳақда «Дарё»га Мудофаа вазирлиги матбуот хизмати маълум қилди.
Янги ўқув йили бошланиши муносабати билан ўтказилган тадбирлар жойларда қурол-аслаҳа ва жанговар техникалар намойиши, кўргазмали-амалий машғулотларга уланиб кетди.
Жумладан, Самарқанд шаҳрида жойлашган коллеж ва мактаб ўқувчилари, ихтисослаштирилган мактаб тарбияланувчилари ҳарбий қисмларда янги ташкил этилган кутубхона ва Ёшлар иттифоқининг ҳарбий қисмлардаги бошланғич ташкилоти фаолияти билан яқиндан танишдилар.
Самарқанд гарнизони ҳарбий оркестри жамоаси томонидан тақдим этилган концерт дастури йиғилганларга хуш кайфият улашди.
Изоҳ (0)