2 апрель куни ижтимоий тармоқларда «Боғчада болаларга тушлик ўз вақтида берилмагани учун улар оч ухлади» сарлавҳали видеоматериал эълон қилинди, деб хабар беради UzDaily.
Вазиятга ойдинлик киритиш учун мактабгача таълим вазирлигида тезкор ишчи гуруҳ тузилган.
Ўтказилган текширувлар натижасида аниқланишича, видео 2 апрель куни соат 11:20 да Андижон вилояти Хўжаобод туманида жойлашган 1-сонли мактабгача таълим муассасасида 1988 йилда туғилган боғча ходимаси З.М томонидан тасвирга олинган.
Ўша куни ҳақиқатдан ҳам ўз вақтида гўшт етказиб берилмагани туфайли тушлик овқати кеч тайёрланган.
Ўз вазифаларига совуққон ёндашган ҳамда ошхонада санитарияга зид ҳолатларга йўл қўйгани учун мактабгача таълим муассасаси хўжалик мудири Алишер Аҳмедов, бош ошпаз Улуғбек Жалилов ва ошпаз Абдужалил Султонов билан тузилган меҳнат шартномаси бекор қилинган.
Шунингдек, мактабгача таълим муассасаси мудираси С.Абдуллаева ҳам лавозимидан озод этилган.
Изоҳ (0)