Жиззах вилояти Зафаробод туманидаги маҳаллалардан бирида Мажбурий ижро бюроси ходимига жароҳат етказилди. Бу ҳақда Жиззах вилоят Ички ишлар бошқармаси матбуот хизмати «Дарё»га маълум қилди.
Маълум бўлишича, Зафаробод тумани Самарқанд маҳалласида истиқомат қилувчи 1987 йилда туғилган О.Л.нинг яшаш уйига электр энергиясидан бўлган қарздорлигини ундириш мақсадида МИБ ходими келган.
«Уй эгаси МИБ туман бўлими давлат инспектори Д.Ж.га нисбатан қўполлик қилган, уни турли сўзлар билан ҳақоратган. Д.Ж. уйни электр энергиясидан узиб қўйиш мақсадида ҳисоблагич ускунасини муҳрлаётганида, уни нарвондан йиқитиб тан жароҳати етказган», — дейилади ИИБ ахборотида.
Хабар беришларича, мазкур ҳолат юзасидан жиноят иши қўзғатилган.
Изоҳ (0)