«Кактакто» нашри Марказий Осиё давлатлари президентлари қандай автомобилдан фойдаланиши ҳақида маълумот тўплаб тақдим этди.
Қозоғистон
Қозоғистон президенти Нурсултон Назарбоев сўнгги вақтларда Mercedes-Benz S600 Pullman Guard, шунингдек, Maybach 62 машиналарида ҳаракатланмоқда.Mercedes-Benz S600 Pullman Guard
Нархи: 170 000 доллардан бошланади
Мазкур модель кўплаб президентлар, жумладан, Россия президентининг ҳам севимли машинаси ҳисобланади. Зирҳланган ушбу лимузин винтовкалар ўқидан ҳимоя қилиш билан бирга, қуввати 15 килограмм тротил эквивалентига тенг бўлган портловчи қурилмага ҳам чидаб бера олади. Pullman Guard’ни яратишда юқори мустаҳкамликка эга пўлат ва арамиддан фойдаланилган, ойналари эса поликарбонатдан ишланган.
Maybach 64
Нархи: 115 000 доллардан бошланади
Қозоғистон президенти бундан ташқари ойнали панорама томига эга Maybach 62 моделида ҳам ҳаракатланишни яхши кўради. Мазкур автомобиль двигателининг ҳажми 5,5 литрга тенг ва у ўзида 550 от кучини мужассамлаштирган.
Қирғизистон
Қирғизистоннинг янги президенти Сўронбай Жеенбеков асосан W211 кузовида яратилган Mercedes-Benz S600 моделида ҳаракатланади. Автомобильга 517 от кучига эга двигатель ўрнатилган. Модель 100 км/соат тезликка 4,6 сонияда эришади.Mercedes-Benz S600 W221
Нархи: 100 000 доллардан бошланади
Шунингдек, Қирғизистон президенти BMW 760 Li High Security’да ҳам ҳаракатланиб туради. BMW’нинг ушбу модели мустаҳкам зирҳга эга. Зирҳ салонни ташқи таъсирлардан мутлақ ҳимоя қилади.
BMW 760 Li High Security
Нархи: 99 000 доллардан бошланади
Тожикистон
Тожикистон президенти Эмомали Раҳмон бошқа мамлакат президентлари каби Mercedes-Benz 600 Pullman W220 моделидан фойдаланишни ёқтиради.Туркманистон
Гурбангули Бердимуҳамедов ўзининг ҳашаматга бўлган қизиқиши билан машҳур. У нафақат наслдор отларни, балки қиммат автомобилларнинг ҳам юксак қадрлайди. Бердимуҳамедовни Mercedes ва Maybach’дан ташқари Bugatti Veyron’ни бошқариб кетаётганида ҳам кўришган. 2010 йилда Top Gear журнали Veyron’га «Ўн йилликнинг энг яхши автомобили» мукофотини топширган. Айнан ўша йилда машина серияли ишлаб чиқариладиган дунёдаги энг тезкор автомобиль дея эътироф этилган.Bugatti Veyron
Нархи: 2 500 000 доллардан бошланади
Ўзбекистон
Шавкат Мирзиёев GM Uzbekistan автомобиль заводидан ишлаб чиқарилган машиналарни миниб туради. Ўзбекистон Президенти Chevrolet Malibu’ни ҳайдашни ёқтиришини таъкидлаган. Ушбу моделдан анча арзон нархда ишлаб чиқарилган бўлиб, уни ўрта синф вакиллари ҳам харид қилиши мумкин.Chevrolet Malibu
Нархи: 30 000 доллар атрофида
Изоҳ (0)