Дмитровск полигонида жойлашган «NAMI» пассив хавфсизлик лабораториясида «Кортеж» лойиҳасига кирувчи седаннинг краш-тестлари ўтказилди. Синов хулосаларига кўра, автомобиль конструкциясига бир қатор ўзгартиришлар киритилди, деб хабар беради «Мотор».
Синовлар Euro NCAP режимига максимал яқинликда ўтказилди, бироқ айрим тестлар атайдан мураккаблаштирилган. Ён томондан симёғочга урилишда зарба Euro NCAP’даги каби олд эшикка эмас, аксинча, орқа эшикка йўналтирилди.
Бундан ташқари гибрид куч тузилмали батареялар блокининг ишончлилигини синаб кўриш мақсадида орқасидан 1300 килограммли тиркама юборилди.
Прототип соатига 64 километр тезликда кетаётганида олд томонидан берилган 40 фоизли зарбада йўловчиларни ишончли ҳимоя қилди, бироқ бир нечта нуқтада пайвандлар очилиб кетган.
Яна бир зарба — оралиқ ва орқа ғилдирак ўртасига берилди. Дизайнерлар ушбу тестдан ўтиш учун автомобилнинг бир қатор қисмларига қўшимча киритишга мажбур бўлди.
«ЕМП-412300» салонидан тўққизта хавфсизлик ёстиқчаси ўрин олган: иккита фронтал, битта ҳайдовчининг тиззаси ҳимоя қилишга ва олтита ён томондан.
Изоҳ (0)