Қирғизистон пойтахтида иккинчи кун маршрутка ҳайдовчилари иш ташлашмоқда

Қирғизистон пойтахтида иккинчи кун йўналишли такси ҳайдовчиларининг иш ташлаши давом этмоқда. Минглаб машиналар йўналишларга чиқмаган. Бу ҳақда 3 апрель куни Бишкек мэрияси хабар берди, деб ёзади «РИА Новости».

2 апрель, душанба куни Бишкекда транспорт инқирози кузатилди. Ҳайдовчилар йўл ҳақи тарифларини ошириш ва 1 апрелдан кучга кирган транспорт воситалари эгаларининг жавобгарлигини суғурталаш ҳақидаги қарорни бекор қилишни талаб қилмоқда.

Суғурта бадали ҳар бир ўриндиқ учун йилига 136 сўмни (2 доллар атрофида) ташкил этади.

«Вазиятга аниқлик киритмоқдамиз. Бугун ҳам йўналишли таксиларнинг бир қисми ишга чиқмади. Мазкур муаммони ҳал этиш учун заҳирадаги барча автобус ва троллейбуслар ишга туширилган», — дея хабар қилади мэрия.