АҚШ адлия вазирлиги ислом хатиби ва «Фатхуллачилар террорчилик ташкилоти» (FETO) раҳбари Фатхулла Гуленни Туркиядаги Россия элчиси Андрей Карловнинг ўлдирилишига алоқадорлик айблови бўйича экстрадиция қилиш имкониятини кўриб чиқади. Бу ҳақда муассаса расмий вакили Николь Навас маълум қилди, деб ёзади «РБК».
«Биз Туркия ҳукумати бу борада тақдим этадиган ҳар қандай материалларни кўриб чиқамиз», — деди у.
Андрей Карлов 2016 йил 19 декабрида, «Россия турклар нигоҳида» кўргазмасининг очилиш маросимида отиб ўлдирилганди. Қотил — 22 ёшли полициячи Мавлуд Олтинтош ўша куниёқ воқеа жойида йўқ қилинган.
2018 йил 29 март куни Туркияда FETO фаолияти текширувларида ошкор бўлган шахслар қўлга олина бошлади.
2 апрель куни эса Туркия президенти Ражаб Тоййиб Эрдўғон Карловнинг ўлдирилиши ортида Гуленнинг ҳаракати турганини маълум қилди.
Изоҳ (0)