Зоминлик Усмон Мираҳмедов Жиззах шаҳридаги «Обод» маҳалласида истиқомат қилувчи таниши Меҳрибон Хушнудхонова ҳамда унинг укаси Темирга (исм-шарифлар шартли) ишонган эди. Бу ҳақда ЎзА хабар бермоқда.
У.Мираҳмедов автомобиль сотиб олиш ниятида юрганини М.Хушнудхоновага айтади. М.Хушнудхонова эса унинг мушкули осон бўлгани, укаси Т.Хушнудхоновда Cobalt машинаси борлиги, ўзи орага тушиб, арзонроққа олиб беришни ваъда қилади.
Шундан сўнг У.Мираҳмедов сармоясини бир жойга тўплайди. Келишувга кўра, автомобиль 18 минг долларга нархланиб, олувчига уч йиллик ишончнома қилиб берилади.
У.Мираҳмедовнинг қувончи бир ой давом этди. Кутилмаганда Т.Хушнудхонов машинани қайтариб олиб, бошқа харидорга сотиб юборади. Аммо У.Мираҳмедовнинг олдиндан берган 11 минг доллари қайтариб берилмайди.
Мазкур ҳолат юзасидан тергов-суриштирув ишлари олиб борилмоқда.
Изоҳ (0)