Ўзбекистон Президенти Шавкат Мирзиёевнинг «Қонун ижодкорлиги фаолиятини такомиллаштириш концепциясини ўз вақтида ва сифатли ишлаб чиқишни таъминлашга доир ташкилий чора-тадбирлар тўғрисида»ги Фармойиши қабул қилинди, деб хабар беради Telegram’даги «Ҳуқуқий ахборот» канали.
Фармойишга асосан 2027 йилгача амалга оширилиши мўлжалланаётган қонун ижодкорлиги фаолиятини такомиллаштириш концепциясини ишлаб чиқиш бўйича ишчи комиссия ташкил этилди.
Ишлаб чиқиладиган концепцияда қонун ижодкорлиги жараёнига замонавий тамойил ва механизмларни жорий этиш;
- тўғридан-тўғри амал қилувчи қонунлар қабул қилиш амалиётини кенгайтириш;
- идоравий ҳужжатлар қабул қилиш амалиётини босқичма-босқич қисқартириш назарда тутилади.
- Концепция 2018 йил 1 августга қадар ишлаб чиқилиши лозим.
Изоҳ (0)