Ўзбекистон Президенти Шавкат Мирзиёев раислигида 23 март куни қишлоқ хўжалигини жадал ривожлантириш бўйича олиб борилаётган ишлар натижадорлигига бағишланган видеоселектор йиғилиши ўтказилган эди. Йиғилишда Президент жойлардаги масъулларга қишлоқ хўжалигида ҳар бир кун ғанимат эканлигини яна бир бор эслатиб ўтган эди.
Албатта, бир йил иккинчи йилга ўхшамайди. Қишлоқ хўжалиги ходимлари, деҳқонлар, фермерлар олдида катта-катта масалалар турибди. Биз жуда катта қарорлар қабул қилдик. Ўзбекистон тарихида биринчи марта қишлоқ хўжалиги маҳсулотлари харид нархларини ошириш учун давлат бюджетидан жуда катта пул ажратдик. Даромад, манфаат нуқтаи назаридан катта иш қилинди.Лекин буни ўз вақтида жой-жойига қўйиш учун нималарга эътибор бериш керак? Вилоятларимиздаги, ҳар бир тумандаги тўртта раҳбар ҳозирдан озиқ-овқат хавфсизлиги, маҳсулотлар нарх-навоси ва сифатига жавобгарлиги энг катта масала. Агар биз келгуси йилга нарх-навони, экспортимизни ўйласак, ҳозирдан ҳаракат қилишимиз керак. Қишлоқ хўжалигида ҳамма нарса кун санайди. Экилган нарса ҳам, парвариш қилинаётган нарса ҳам. Бир кун ҳам ғанимат!
Шавкат Мирзиёев, Ўзбекистон Президенти
Изоҳ (0)