Ўзбекистонда айланмаси 1 миллиард сўмдан ошиқ бўлган барча хусусий тадбиркорларни қўшимча қиймат солиғи тўлашга ўтказиш таклиф этилмоқда. Бу солиқ ислоҳоти концепциясида кўзда тутилган, дея хабар беради UzDaily.
Молия вазирининг ўринбосари Вячеслав Пак мазкур чора хусусий тадбиркор мақомидан солиқ тўлашдан бўйин товлаш ёки камайтириб кўрсатишда фойдаланиш эҳтимолини пасайтиришини билдирди.
«Дунёнинг кўплаб давлатларида хусусий тадбиркорлар чекланган доирадаги фаолият турларини бажаради, бизда эса уларнинг кўлами жуда кенг. Айрим хизмат кўрсатувчи хусусий тадбиркорлар 100 миллиард сўм айланмага эга», — деди Пак.
Вазир ўринбосарига кўра, Ўзбекистонда ҳам хусусий тадбиркорлар амалга ошириши мумкин бўлган фаолият турлари мақбуллаштирилади.
Изоҳ (0)