Туркия шарқидаги Игдир—Карс трассасида ноқонуний муҳожирлар ўтирган микроавтобус ҳалокатга учради, деб ёзади «Вести Кавказа». Ҳодиса оқибатида 15 киши ҳалок бўлди, яна 30 киши жароҳатланди.
Дастлабки маълумотларга кўра, микроавтобусда Покистон ва Афғонистон фуқаролари бўлган. Тахминлар бўйича, ҳайдовчи бошқарувни йўқотиши натижасида автобус чироқ устунига бориб урилган ва ёниб кетган. Жабрланганларнинг барчаси касалхонага ётқизилди.
Айни пайтда воқеа жойида ҳуқуқ-тартибот органлари ва тезкор хизматлар ходимлари ишламоқда.
Изоҳ (0)