АҚШнинг собиқ президенти Жимми Картер CBS телеканалига берган интервьюсида Шимолий Корея билан бўлажак музокараларда Американинг амалдаги етакчиси Дональд Трампга ёрдам бериш истагида эканини маълум қилди. Бу ҳақда «Коммерсантъ» хабар бермоқда.
«Мен КХДР расмийлари нима хоҳлаётгани ва нимага муҳтож эканини англаб турибман. Ҳатто шу ҳафта ҳам Оқ уй вакили олдимга келиб, КХДР билан муносабатларга доир сўнгги маълумотларни тақдим этиб кетди», — деди Картер.
Унинг қайд этишича, ўз сиёсий фаолияти давомида Шимолий Корея раҳбарияти билан 20 соатдан кўпроқ мулоқот қилган.
АҚШ президенти Дональд Трамп ва КХДР етакчиси Ким Чен Иннинг учрашувига тайёргарлик кўрилаётгани ҳақидаги хабарлар 9 март куни пайдо бўлган эди. Икки мамлакат етакчилари ўртасидаги тарихдаги илк учрашув май ойи охирига қадар Стокгольмда ўтказилиши кутилмоқда.
Изоҳ (0)