Тошкент шаҳар Ички ишлар бош бошқармаси Йўл ҳаракати хавфсизлиги бошқармасига 18 кун ичида янги очилган сайти орқали фойдаланувчилардан йўл ҳаракати қоидалари бузилиши акс этган 60 та видеоролик келиб тушган. Бу ҳақда аҳоли билан очиқ мулоқот чоғида Тошкент ИИББ бошлиғи Рустам Жўраев маълум қилди, деб ёзади «Газета.uz».
Амалга оширилган қоидабузарликлар далиллари сифатида 51 та ролик қабул қилинган. 30 миллион сўмга маъмурий ҳуқуқбузарлик ҳақида баённомалар расмийлаштирилган.
ИИББ раҳбари видеоматериаллар муаллифларига фуқаролик фаоллиги учун миннатдорлик билдирди ва ижтимоий тармоқларда ЙҲХБ иши ҳақидаги салбий фикрлар камайганини қайд этди.
Шунингдек, Рустам Жўраев ҳуқуқ-тартибот органлари ходимларини ҳақоратлаган фойдаланувчилар жавобгарликка тортилиши ҳақида эслатди.
Изоҳ (0)