Ислом Каримов номидаги фонднинг васийлик кенгаши раиси Лола Каримова-Тиллаева Facebook’даги саҳифасида олий ўқув юртлари талабалари ўртасида 22 январдан 22 февралга қадар ўтказилган иншолар танлови ғолибларини эълон қилди.
I ўринни Жаҳон иқтисодиёти ва дипломатия университетининг V-босқич талабаси Отабек Акромов қўлга киритди. У 7 000 000 сўмлик грант, шунингдек, фонд логотипи туширилган Apple MacBook Air 13 8/256 ГБ ноутбуки совриндори бўлди.
II ўринни Тошкент педиатрия тиббиёт институтининг V-босқич талабаси Малика Шорустамова эгаллаб, 6 000 000 сўмлик грант, шунингдек, фонд логотипи туширилган Apple iPadPro 10.5 4G 256ГБ планшети соҳиби бўлди.
III ўрин Тошкент давлат юридик университетининг IV-босқич талабаси Нурбек Тошкановга берилиб, у 5 000 000 сўмлик грант, шунингдек, фонд логотипи туширилган iPhone 8 64 ГБ смартфони эгасига айланди.
Шунингдек, ижодий ишлари юқори балл тўплаган қуйидаги 7 нафар иштирокчига рағбатлантирувчи совғалар, яъни фонд логотипи туширилган Kindle букридерлари тақдим этилади:
1. Хадятуллаев Аббосбек – Тошкентдаги Сингапур менежментни ривожлантириш институти III-босқич талабаси. 2. Райхона Темирова – Бухоро давлат университети II-босқич талабаси. 3. Сардор Назиров – Тошкент ирригация ва қишлоқ хўжалигини механизациялаш муҳандислари институти I босқич талабаси. 4. Азиза Саидхасилова– Тошкентдаги Сингапур менежментни ривожлантириш институти I босқич талабаси. 5. Екатерина Куртова – Жаҳон иқтисодиёти ва дипломатия университети, III босқич талабаси. 6. Лутфилло Абдухамидов – Фарғона политехника институти III босқич талабаси. 7. Чаросхон Низомиддинова – Ўзбекистон миллий университети II босқич талабаси.
Ғолибларни тақдирлаш тантанали маросими 3 апрель куни Ислом Каримов номидаги Илмий-маърифий ёдгорлик мажмуасида бўлиб ўтади.
Танловда республикадаги 74 та олий ўқув юртининг 485 нафар талабаси иштирок этди. Танловга тақдим этилган иншолар ўз соҳасида катта тажрибага эга атоқли тарихчи, сиёсатшунос, ва филолог олимлардан ташкил топган махсус комиссия томонидан таҳлил этилиб баҳоланди.
Изоҳ (0)