23 ёшли гурланлик Кибриё Алдарова (исм-шарифи ўзгартирилган) ўз нафсининг измига тушиб, қўшмачиликка қўл урди. Бу ҳақда ЎзА ёзмоқда.
У Хоразм вилояти Гурлан туманида 1989 йилда туғилган Аросат Бозорова 2015 йилнинг июнь ойида ўз ота-онаси билан аразлашиб, уйидан бош олиб чиқиб кетганида гўёки «меҳрибонлик» кўрсатди. Унга ўз уйидан жой берди. Аммо Аросат Кибриёнинг бу «сахийлиги» ортида қандай нияти борлигини кейинчалик англади.
Маълум бўлишича, қўшмачиликни касб этган аёл «Мен айтган мижозлар билан жинсий алоқада бўлмасанг, сени уйимдан ҳайдаб чиқараман! Маҳалладошларинг олдида фоҳиша деб шарманда қиламан! Ижара ҳаққини танангни сотиб тўламасанг, йўқ қилиб юбораман!», дея Аросатни қўрқитиб мунтазам равишда бегона эркаклар билан зино қилишга мажбурлаб келган.
Деярли уч йил давомида бир аёлни ўз уйида сақлаб, ундан шаҳвоний мақсадда фойдаланиб келган «фоҳишахона бекаси»нинг кирдикорлари жорий йил февралида ички ишлар ҳодимлари томонидан фош этилди. Бировнинг номусини топташ ҳисобига бойлик орттираётган Кибриёнинг қилмишларига чек қўйилди.
Айни пайтда Кибриё Алдарова Жиноят Кодексининг 131 ва 135-моддаларида кўрсатилган жиноятларни содир этганликда айбланиб, эҳтиёт чораси тариқасида қамоққа олинган. Хоразм вилояти ИИБ ҳузуридаги тергов бошқармаси томонидан дастлабки тергов ҳаракатлари олиб борилмоқда.
Изоҳ (0)