Фарғонада эшак гўшти можароси, фоҳишахонага борганлик учун жарима, Сергелидан кўчадиган машина бозори ва куннинг бошқа муҳим хабарлари

23 мартнинг эътиборга молик янгиликлари — «Дарё»нинг кечки дайжестида.

1. Фоҳишахоналарга борганларни ҳам жаримага тортиш лойиҳаси кўриб чиқилмоқда. Ҳозирги вақтда фоҳишаларгина жаримага тортилади, уларнинг мижозларига жарима кўзда тутилмаган.

2. АҚШ Суриядаги ўзбек жангарилар гуруҳини қора рўйхатга киритди. Жангарилар гуруҳи Сурия шимоли-ғарбида «Жабҳат ан-Нусра» билан биргаликда жангларда қатнашган.

3. «Ўзбекистон 24» телеканалида Фарғонадаги ошхоналарга эшак гўшти тарқатилгани ҳақида кўрсатув намойиш этилди. Аввалроқ Тошкент ва Самарқандда шундай можаролар юзага чиққанди.

4. Ўзбекистон ва Россия рейсларни кўпайтириш ҳақида келишиб ололмади. Хабар беришларича, Россия томони рейсларни сезиларли оширмоқчи, бироқ Ўзбекистон томони кўнмаяпти.

5. Сергели машина бозори Чинозга кўчадими? Бу масала бўйича Тошкент шаҳар ҳокимлиги ахборот хизмати баёнот берди.

6. Milliy TV Рамазон ойида «Умар ибн Хаттоб» сериалини эфирга узатади. Мазкур сериал 2012 йилда қатарлик кинематографлар томонидан Саудия Арабистони ва Марокашда суратга олинган бўлиб, 30 қисмдан иборат.

7. Бугун Ўзбекистон миллий терма жамоаси Сенегалга қарши майдонга тушади. Sport-TV ўйинни жонли трансляция қилади. Ўйин 21:30 да бошланиши кутилмоқда.