Жоржия штатидаги Wolf Island National Wildlife Refuge қўриқхонасида дам олаётган америкалик Жефф Уоррен ва унинг ўғли бўйни узун ва боши кичкина номаълум денгиз жонзотига дуч келди. Унинг танасини чўқилаётган балиқчи қучлар одамлар яқинлашгач учиб кетган, деб хабар берди National Geographic.
Туристлар исбот сифатида номаълум жонзотни видеога олган. Улар денгиз жонзоти қолдиқларини қадимий плезиозавр ёки афсоналарга кўра Жоржия ҳавзаларида яшайдиган Алтамаха-ха сув ости махлуқига қиёслашган.
Интернетда тарқалган видеолар сабаб биологлар мазкур махлуқнинг жасади жойлашган ҳудудга келди. Бироқ улар денгиз жонзотига алоқадор ҳеч қандай изни топа олмаган. Мутахассисларнинг тахминича, туристлар шунчаки муляждан фойдаланиб, жамоатчилик билан ҳазиллашган бўлиши мумкин.
«Видеодаги махлуқнинг кўриниши Wikipedia’даги мақолада жойлашган иллюстрацияга ўхшайди», — дейди биологлардан бири.
Олимларнинг фикрича, Алтамаха-ха махлуқи бу шунчаки торпедасимон шаклга эга Миссисипи балиғи бўлиши мумкин. У Шимолий ва Марказий Америкада кенг тарқалган.
Изоҳ (0)