«Ўзиккиламчиранглиметалл» АЖ, Ёшлар Иттифоқининг Тошкент шаҳар кенгаши, Artel, Халқ депутатлари Тошкент шаҳар кенгаши, «Адолат» СДП ҳамкорлигида Ёшларнинг Инновацион ғоялари ва технологияларини қўллаб-қувватлаш ярмаркаси ташкил этилмоқда.
Кўргазма корхоналар, илмий ташкилотлар ва олий таълим муассасалари ўртасида ўзаро манфаатли муносабатларни ўрнатишда муҳим аҳамият касб этади.
Тадбирни ўтказишдан кўзланган асосий мақсад ёшларнинг илмий тадқиқот ва инновацион фаолиятини ривожлантириш, инновацион технологияларга қизиқиши баланд бўлган ёшларни кашф этиш ва уларнинг янги, рақобатбардош инновацион ғояларини ҳаётга тадбиқ этишга сафарбар этишдан иборат.
Кўргазмада ёш олимлар, тадқиқотчилар, талабаларни қўллаб-қувватлаш мақсад қилинган. Улар ўз илмий ва амалий ишланмаларини намойиш этиши учун кенг имкониятлар яратилиши кўзда тутилган. Кўргазма якунларига кўра энг яхши инновацион ғоя муаллифларига ҳомийларнинг қимматбаҳо совғалар топширилади.
Мазкур ярмаркада ўзининг инновацион ғоясини тақдим этмоқчи бўлганлар +99871-2587478 ёки +998998980382 рақамига Telegram орқали ёзиб юбориши мумкин
Ярмарка 28 март куни Сергели туманида жойлашган «Ўзиккиламчиранглиметалл» АЖга қарашли Yoshlar Sport City мажмуасида бўлиб ўтади.
Изоҳ (0)