Энг йирик ижтимоий тармоқ Facebook асосчиси Марк Цукерберг АҚШ президенти Дональд Трамп кампанияси юзасидан иш олиб борган Cambridge Analytica компанияси ижтимоий тармоқнинг заиф жиҳатини аниқлагани ва фойдаланувчилар шахсий маълумотларидан нотўғри фойдаланганлигини тан олди. Бу ҳақда у CNN’га интервьюсида сўзлаб берди, деб ёзади «Газета.ru».
Цукерберг шахсий маълумотлар дастлаб номи ошкор этилмаган тадқиқотчи томонидан ўқув мақсадларида қўлланилганлиги ва бунда белгиланган махфийлик қоидаларининг барчасига риоя этилганлигини маълум қилди. Кейинчалик маълумотлар ёт компаниялар, жумладан Cambridge Analytica’га тақдим этилган.
Ижтимоий тармоқ асосчиси учинчи томон ишлаб чиқарувчилари билан муносабатларини қайта кўриб чиқиши, шунингдек, ижтимоий тармоқ фойдаланувчиларига барча ташқи дастурларни йўқ қилишни таклиф қилишини таъкидлади.
Аввалроқ Трампга ишлаган компания Facebook’нинг 50 миллиондан ортиқ фойдаланувчилари маълумотларини ўғирлаганлиги хабар қилинган эди.
Изоҳ (0)