Ўзбекистон ва Тожикистон ҳукуматлари ўртасида Душанбеда жорий йил 9 март куни имзоланган фуқароларнинг ўзаро сафарлари тўғрисидаги битим 2018 йил 19 мартдан кучга кирди. Бу ҳақда ТИВ матбуот хизмати хабар берди.
Келишув икки давлат фуқароларига визалар расмийлаштирмай ўзаро борди-келдини амалга ошириш имконини беради.
Ўзбекистон ва Тожикистон фуқаролари 2018 йил 19 мартдан бошлаб икки мамлакат ҳудудида келишувда кўрсатилган ҳужжатлар билан визаларсиз 30 суткагача бўлиши мумкин.
Изоҳ (0)