Бугун, 18 март якшанба куни Германиянинг афсонавий дарвозабони, Европа чемпиони ва Жаҳон чемпионати кумуш медали совриндори Оливер Каннинг академияси ижрочи директори Мориц Маттес ва менежери Роберт Ниеманн Ўзбекистонга келди, деб хабар бермоқда ЎФА
Қайд этилишича, германиялик мутахассислар бугуннинг ўзида Ўзбекистон футбол ассоциациясида миллий чемпионатда иштирок этаётган клубларда фаолият олиб бораётган дарвозабонлар мураббийлари учун семинар ўтказишган.
Семинар давомида Мориц Маттес «Оливер Кан академияси»нинг таълим тизими, мураббийларни тайёрлаш услуби ҳақида йиғилганларга батафсил тушунтириш бериб ўтган. Шунингдек, дарвозабонлар билан ўтказиладиган машғулотларнинг ўзига хос жиҳатларига тўхталиб ўтди, дейилада хабарда.
Сўнгра германиялик мутахассислар бугун Ўзбекистон миллий олимпия қўмитаси президенти ва Ўзбекистон футбол ассоциацияси биринчи вице-президенти Умид Аҳмаджонов билан ўзаро ҳамкорлик қилиш борасида учрашув ўтказди. Учрашув сўнгида томонлар узоқ муддатли ўзаро ҳамкорликни йўлга қўйишга келишиб олди, дейилада ЎФА хабарида.
Изоҳ (0)