Жаҳон гимнастикаси афсоналаридан бири 42 ёшли ўзбекистонлик спортчи Оксана Чусовитина Боку шаҳрида ўтказилаётган Жаҳон кубоги баҳсларида муваффақиятли қатнашди ва олтин медалга эга чиқди. Бу ҳақда МОҚ ахборот хизмати маълум қилди.
Чусовитина ўзининг севимли йўналиши ҳисобланган таяниб сакраш машқларида 14,300 балл тўплаб, олтин медални қўлга киритди. Унинг энг яқин таъқибчиси ҳисобланган мезбон спортчи Марина Некрасова 13,833 балл жамғара олди. Учинчи ўрин эса словениялик Тяс Кисселефга насиб этди.
Таъкидлаб ўтиш жоиз, мусобақада 25 та мамлакат вакиллари иштирок этди.
Маълумот учун Оксана Чусовитина бир неча ҳафта олдин Хьюстонда ўтказилган мусобақада учта олтин ва битта кумуш медалини қўлга киритганди.
2017 йилда эса Чусовитина Боку, Доҳа ва Котбусдаги жаҳон кубогида, шунингдек, Озарбaйжондаги Ислом бирдамлик ўйинларида ҳам олтин медалларга эга чиққанди.
Изоҳ (0)