Ўзбекистонда Соя етиштирувчилар ассоциацияси тузилади. Бу ҳақда Шавкат Мирзиёев Оқдарё туманида иқтисодий лойиҳалар билан танишиш чоғида топшириқ берди, деб хабар қилади Президент матбуот хизмати.
Ўзбекистон Президенти соя ёғи харидоргир ва соғлиқ учун фойдали экани, унинг шроти парранда учун зарур озиқа бўлишини таъкидлади.
Шу ерда Самарқанд вилоятида паррандачилик, чорвачилик, балиқчилик, асаларичилик ва бошқа тармоқларни ривожлантириш, мева-сабзавот етиштириш ва экспорт қилишни кўпайтириш лойиҳалари тақдимоти ўтказилди.
Президент лойиҳалар қамровини ошириш, ишбилармонларни қўллаб-қувватлаш бўйича кўрсатмалар берди. Тадбиркорлар билан суҳбатлашиб, айтган масалаларини жойида ҳал қилди.
Аввалроқ, Шавкат Мирзиёев Оқдарёдаги ташриф давомида гидропоника бўйича кадрлар тайёрлаш зарурлигини таъкидлаган эди.
Изоҳ (0)