2018 йилнинг февраль ойида Facebook’да ганалик информатика ўқитувчиси Ричард Акотонинг суратлари тарқалди. Ўқитувчи дарс берадиган кичик қишлоқдаги мактаб ўқувчиларида компьютер бўлмагани учун Ричард ҳар дарсдан олдин Microsoft Word каби дастурларнинг суратларини ёзув тахтасига чизган, деб ёзмоқда TJournal.
Quartz нашри билан суҳбатда ўқитувчи компьютер синфининг тўлақонли иши учун мактабга 50 та қурилма кераклигини айтган. Бир ойдан сўнг ўқитувчи дастлабкли хайрияни қабул қилди.
Африканинг NIIT компьютер мактаби мазкур қишлоқ мактабига бешта компьютер, аксессуарлар ва информатика дарслигини совға қилди. Акотога ҳам шахсий ноутбук берилди.
Бундан бир неча кун аввал Буюк Британиядаги Лидс университети ходими ўқувчиларга яна битта ноутбук юборди. 13 ёшли ўқувчининг айтишича, у шу вақтгача компьютерларни фақат суратларда ва яқин атрофдаги шаҳарга бориш чоғида чиқиндихонада кўрган.
Microsoft компанияси 1 март куни Акотога компьютер совға қилишни ва ўқув дастурларидан фойдаланиш имкониятини яратишни ваъда қилган. Қурилма Microsoft’нинг Сингапурда бўлиб ўтадиган конференциясида африкалик ўқитувчига топширилади.
Изоҳ (0)