Жорий йилнинг 4 июнидан 8 июнига қадар Калифорниянинг Сан-Хосе шаҳарида Халқаро дастурчилар анжумани (Worldwide Developers Conference, WWDC) бўлиб ўтади. Бу ҳақда Apple компаниясига асосланиб, «ТАСС» хабар берди.
Macrumors порталининг маълумотларига кўра, мазкур анжуманда Apple янги гаджетлари ва дастурий таъминотларини тақдим этади. Хусусан, iOS 12, macOS 10.14, tvOS 12, watchOS5 операцион тизимлари, шунингдек, янги Home Pod дастурий таъминотининг тақдимоти кутилмоқда.
Бундан ташқари, WWDC доирасида Apple унчалик қиммат бўлмаган MacBook Air моделини ҳамда Face ID ўрнатилган iPad Pro’ни намойиш этиши тахмин қилинмоқда.
2017 йилда Халқаро дастурчилар анжуманида 75 мамлакатдан турли мутахассислар иштирок этган эди.
Изоҳ (0)