Алоқа, ахборотлаштириш ва телекоммуникация хизматлари сифатини янада яхшилашга доир чора-тадбирлар тўғрисидаги ҳукумат қарори қабул қилинди. Бу ҳақда Spot маълум қилинди.
Мазкур қарор билан 1 июндан бошлаб алоқа, ахборотлаштириш ва телекоммуникация хизматлари соҳасида қонунчилик талаблари ва бошқа норматив ҳужжатлар, давлат стандартлари талаблари ҳамда хизматлар сифатини бузганлиги учун компанияларга молиявий санкциялар (жарималар) қўлланиши белгиланган.
Молиявий санкциялар (жарималар) энг кам иш ҳақи миқдорига боғланган. Уларни қонун бузилиши ҳолатларини аниқлайдиган Алоқа, ахборотлаштириш ва телекоммуникация технологиялари соҳасида назорат бўйича инспекция белгилайди. Компания айбини тан олиб, жаримани ихтиёрий тўласа санкциялар инспекция томонидан, бунинг акси бўлса, суд тартибида қўлланади.
Масалан, компания айби билан интернет ёмон ишлагани учун ҳар бир ҳолат бўйича энг кам иш ҳақининг ярми миқдорида жарима ҳисобланади.
Мобил интернетининг нормативдан ташқари ҳар бир узилиши энг кам иш ҳақининг 10 фоизи миқдорида молиявий санкция қўлланилишига сабаб бўлади. Мобил интернетнинг ўртача тезлиги стандартга тўғри келмаслиги аниқланганда ҳам шундай миқдордаги жарима кўзда тутилган.
Изоҳ (0)