Ўзбекистонда айирбошланадиган қимматли қоғозлар термини расман белгилаб қўйилди, деб ёзади Spot Давлат рақобат қўмитаси ҳузуридаги Қимматли қоғозлар бозорини мувофиқлаштириш ва ривожлантириш маркази бош директорининг буйруғига таяниб.
Хусусан, айирбошланадиган қимматли қоғозлар — эмитентнинг оддий акцияларга айлантирилиши мумкин бўлган имтиёзли акциялари, корпоратив облигациялари термини киритилди. Илгари қоидаларда бундай термин бўлмаган.
Шунингдек, қайд этилишича, очиқ обуна энди нафақат қимматли қоғозларни сони чекланмаган инвесторлар орасида рекламадан фойдаланган ҳолда жойлаштириш, балки қимматли қоғозларни оммавий таклиф этиш (IPO) орқали ҳам жойлаштиришдир.
Изоҳ (0)