Мудофаа вазирлигига қарашли ҳарбий қисмларда жорий йилда муддатли ҳарбий хизматга чақирилган янги аскарлар Тошкент ҳарбий округи дала-ўқув майдонида амалий тарзда илк бор нишонларга ўқ отиш машқларини бажарди. Бу ҳақда Мудофаа вазирлиги матбуот хизмати хабар берди.
Улар бунга қадар отишнинг амалий эмас, отиш қоидалари ва асослари бўйича ўқув йиғинида назарий машғулотларда иштирок этган. Тайёргарлик машқлари кўргазмали воситалар ҳамда замонавий компьютер тренажёрларида олиб борилган. Яқинда сафларига келиб қўшилган аскарлар дала-ўқув майдонида ташкил этилган жанговар қуролни қисмларга ажратиш ва йиғиш, техника хавфсизлиги ва жанговар позицияни эгаллаш, тик, ўтирган ва ётган ҳолда ҳамда ҳаракатдан нишонга отиш, қуролни ўқлаш ва ўқсизлантириш қоидалари, қуролни ўқ отишга тайёрлаш каби ўқув жойларида иштирок этишди.
Изоҳ (0)