Нидерландиянинг Geerlofs компанияси шу йил Фарғона вилояти Олтиариқ туманида Ўзбекистоннинг учта компанияси учун совитиш омборларини қуради, деб ёзади Spot.
Битта камеранинг сиғими 700 тоннага тенг бўлади, қолган иккита лойиҳа параллел тарзда амалга оширилади. Уларнинг умумий сиғими 3 минг тоннадан ошади, ҳар битта совитгич 16 та камерадан иборат бўлади.
Учта лойиҳа учун ускуналар Нидерланиядаги заводда ишлаб чиқарилмоқда, улар Ўзбекистонга шу йилнинг майида етказиб берилади. Монтаж ишларининг якунланиши ва лойиҳаларнинг ишга туширилиши мева ва сабзавотларни сақлаш мавсумининг бошланиши — август, сентябрга мўлжалланган.
Лойиҳаларнинг умумий қиймати қарийб 2 миллион долларни ташкил этади. Нидерландия компанияси қурилиш ишларининг бориши, ускунани монтаж қилиш ишлари ва лойиҳанинг ишга туширилишини кузатадиган муҳандисни юборади.
Изоҳ (0)