Бош прокуратура InfinBank акциядори Фарҳод Мамажонов қўлга олинганлиги ҳақидаги хабарларни рад этди.
«Интернет тармоғида Ўзбекистон Республикаси собиқ бош прокурори Р.Қодировга нисбатан Бош прокуратура томонидан қўзғатилган жиноят иши бўйича Ф.Мамажонов ушланганлиги ва унинг мол-мулклари олиб қўйилганлиги тўғрисида хабар тарқатилган. Бош прокуратура ушбу маълумот ҳақиқатга мувофиқ эмаслигини маълум қилади», — дейилади хабарда.
Ўз навбатида, 12 март куни InfinBank сайтида банк кенгаши раиси Мақсуд Абдусамадов номидан муассасада ҳеч қандай текширув ёки ревизиялар ўтказилмаётгани ҳақидаги расмий хабар ҳам эълон қилинди.
«Мазкур маълумот тегишли расмий сўров орқали Бош прокуратура ва Марказий банкка юборилган ҳолда тасдиқланиши мумкин», — дейилади хабарда.
«Норасмий ОАВ томонидан банк ҳақида тарқатилаётган салбий маълумотлар»га жавобан жойлаштирилган хабарда банк ҳеч қачон Латвия ва БААда корреспондентлик ҳисоб рақамларини очмагани ва эга бўлмагани билдирилган.
Изоҳ (0)