Хитой ва Ўзбекистон ўртасидаги ҳамкорликнинг устувор йўналишларидан бири таълим соҳаси ҳисобланади, унга Хитой Халқ Республикаси ҳукумати грантларининг аҳамиятли қисми ажратилмоқда, деб ёзади «Nuz.uz».
Бу соҳада томонлар бир қатор муҳим лойиҳаларни амалга оширган ва оширмоқда. Дипломатик алоқалар ўрнатилган вақтдан буён Хитой ўқув ускуналарини сотиб олиш учун 30 миллион доллардан ортиқ грантларни ажратди.
Хусусан, 2016 йилда умумтаълим мактабларининг 1—4-синфлари учун чет тилларини ўрганиш бўйича ўқув ускуналари партияси етказиб берилди ва чет тилларини ўқитишнинг инновацион услубларни жорий қилиш учун ўзига хос асос бўлди.
2017 йилда Шавкат Мирзиёевнинг Хитойга ташрифи чоғида умумтаълим мактабларида 5—9-синфларда «Информатика» ва «Чет тили» фанларини ўқитиш сифатини ошириш лойиҳасини амалга ошириш тўғрисида икки мамлакат ўртасида айирбошлаш ноталари имзоланган эди. 2017 йил ноябрида ушбу лойиҳани амалга ошириш ҳақида шартнома имзоланди. 2018 йил февралида эса ускуналар Тошкентга етказилди, яқин орада грант юкини топшириш маросими ўтказилиши режалаштирилмоқда.
Ушбу лойиҳа доирасида Хитой томони компьютер техникаси, интерактив тахталар ва бошқа замонавий, инновацион ўқитиш воситаларини етказиб берди.
Изоҳ (0)