Фарғонада халқаро ишбилармонлик маркази — Fergana City бунёд этилади. Ситининг қурилишига жанубий кореялик инвесторларни ҳам жалб этиш режалаштирилган, дея хабар бермоқда «Ўзбекистон 24» телеканали.
Телеканал репортажида водийда қурилажак Сити ҳақида батафсил ахборот берилмаган, бироқ намойиш этилган лавҳада марказ ҳудудида осмонўпар бинолар, 300 ўринли замонавий мактаб қурилиши режалаштирилаётгани кўриш мумкин.
Лойиҳа айнан қачон рўёбга чиқарилиши ҳақида аниқ маълумотлар йўқ.
Маълумот учун, айни вақтда пойтахт Тошкент марказида Tashkent City халқаро ишбилармонлик маркази қурилиши давом этмоқда. 2021 йилга қадар ҳудудда 40 қаватли осмонўпар иншоотлар пайдо бўлиши кутилмоқда.
Изоҳ (0)