Собиқ бош прокурор Рашид Қодировнинг ўғли қидирувга берилди

Ўзбекистон собиқ бош прокурори Рашид Қодировнинг ўғли — Алишер Қодиров қидирувга берилди. Бу ҳақда Ички ишлар вазирлигига таяниб, «Газета.uz» хабар қилди.

ИИВ маълумотларига кўра, Алишер Қодировга (1979 йилда туғилган) нисбатан Ўзбекистон Республикасининг қуйидаги моддалари билан жиноят иши қўзғатилган:

• 165-модда 2-қисми «а» банди — товламачилик, такроран ёки хавфли рецидивст томонидан;
• 165-модда 3-қисми «а» банди — жуда кўп миқдордаги товламачилик;
• 168-модда 3-қисм «а» банди — фирибгарлик;
• 168-модда 4-қисм «а» банди — жуда кўп миқдорда фирибгарлик.

Эслатиб ўтамиз, 24 февраль куни Ўзбекистон Бош прокуратураси томонидан собиқ бош прокурор Рашиджон Қодировга нисбатан Жиноят кодексининг 165, 205, 210-моддалари билан жиноят иши қўзғатилган эди.