Туркия президенти Ражаб Тоййиб Эрдўғон Ўзбекистонга шу йил май ойида келишни режалаштирмоқда. Бу ҳақда «Podrobno.uz» хабар берди.
«Ташриф май ойига мўлжалланган. Томонларда ўзаро алоқаларни янада ривожлантириш учун улкан истиқболлар мавжуд, — деди Ўзбекистонда бўлиб турган Туркия Буюк миллат мажлиси халқаро масалалар қўмитаси аъзоси, «Туркия — Ўзбекистон» парламентлараро дўстлик гуруҳи раиси Ҳайдар Али Йилдиз.
Томонлар ташриф давомида савдо-иқтисодий ва инвестиция соҳаларидаги кенг доирадаги масалалар, шунингдек, Ўзбекистон Президенти Шавкат Мирзиёевнинг Туркияга ташрифи чоғида имзоланган келишувларнинг амалга оширилишини муҳокама қилиши кўзда тутилмоқда.
Эрдўғоннинг Ўзбекистонга ташрифи кун тартибига оид масалалар савдо-иқтисодий ҳамкорлик бўйича ҳукуматлараро комиссиянинг бўлажак йиғилишида кўриб чиқилади.
Изоҳ (0)