Тошкент шаҳар Ички ишлар бош бошқармаси Facebook ижтимоий тармоғидаги хабарларни мониторинг қилиш ва жавоб қайтариш амалиётини бошлади, деб ёзади «Газета.uz».
Бундай ишлар ИИББнинг Facebook’да яқинда очилган расмий саҳифасида, шунингдек, турли гуруҳларда олиб борилмоқда, у ерда муассаса изоҳлар, жавоблар ва тушунтиришлар бермоқда.
«Биз яқинда ижтимоий тармоқларни мониторинг қилишни бошладик ва ўз фаолиятимизга тааллуқли постларга жавоб қилмоқдамиз», — дейишди ИИББдагилар.
5 мартдан Тошкент шаҳар Ички ишлар бош бошқармаси Йўл ҳаракати хавфсизлиги бошқармаси сайти синов режимида ишга туширилди. У ердаги «Мобил мухбир» бўлимига Йўл ҳаракати қоидалари бузилиши акс этган фото ва видеоматериалларни юбориш мумкин бўлади.
Изоҳ (0)