Германия мудофаа вазири Урсула фон дер Ляйен НАТОнинг Афғонистондаги «Қатъий қўллаб-қувватлов» операциясида иштирок этаётган ҳарбийларнинг сонини сезиларли даражада оширишга қарор қилди. Бу ҳақда Deutsche Welle хабар бермоқда.
Ҳозирги кунда маҳаллий қуролли кучларни ўқитиш ва уларга консултация бериш бўйича альянснинг миссияси таркибига 963 нафар германиялик ҳарбийлар жалб этилган. Германия келгусида ушбу кўрсаткични 1,3 минг кишигача етказишни режалаштирмоқда.
Қайд этилишича, Германия мудофаа вазири ушбу чора-тадбирни «Толибон» ва ИШИДнинг Афғонистондаги таъсир доираси кенгайгани туфайли амалга оширмоқда.
Германиядан ташқари НАТОнинг Афғонистондаги миссияси сонини кўпайтиришга АҚШ ва бошқа мамлакатлар ҳам розилик билдирган. Бу ҳақда 2017 йилнинг ноябрь ойида НАТО бош котиби Йенс Столтенберг маълум қилган эди. Тахмин қилинишича, миссия таркиби 13 минг кишидан 16 минг кишигача кўпаяди.
Изоҳ (0)