Ангрендаги «Облиқ» темир йўл бекатида тепловоз пиёдани уриб юборди. Бу ҳақда Тошкент вилоят ИИБга таяниб, «Xabar.uz» маълум қилди.
ИИБ транспортда жамоат хавфсизлигини таъминлаш бўлими навбатчилик қисмига Ангрен бекатида жамоат хавфсизлигини таъминлаш бўлинмасидан келиб тушган хабарга кўра, 3 март куни соат 14:20 ларда «Облиқ» темир йўл бекатида «Ўзбекистон темир йўллари» АЖ машинисти Александр Владимиров (исм-шарифлар шартли) бошқарувидаги тепловоз Ангрен шаҳрида яшовчи Ғофур Каримовни уриб юборган.
Жабрдийда омон қолди ва шифохонага ётқизилди. Унга «ўнг томон юз ва елка соҳаларининг лат ейиши, ўнг оёқ товон қисми суягининг ёпиқ синиши» ташхиси қўйилган.
Терговга қадар текширувни Ангрен бекатида жамоат хавфсизлигини таъминлаш бўлинмаси олиб бормоқда.
Изоҳ (0)