АҚШ ҳарбий денгиз кучларининг Carl Vinson атом авиаташувчиси бошчилигидаги жанговар кемалари зарбдор гуруҳи 5 март, душанба куни Вьетнамнинг Дананг портига ташриф билан етиб келди, деб ёзади «ТАСС». Эскадра таркибига, шунингдек, Wayne E. Meyer ракета эсминеци ва Lake Champlain ракета крейсери ҳам кирди.
Бу Вьетнам уруши тугаганидан буён, Америка авиаташувчисининг Вьетнамга биринчи марта киришидир, дея маълум қилди Вьетнам ташқи ишлар вазирлиги расмий вакили. У ташриф «икки мамлакат ўртасидаги ҳамкорликни янада мустаҳкамлаб, минтақада тинчлик, барқарорлик, хавфсизлик, ҳамкорлик ва тараққиётни қўллаб-қувватлаш»га қаратилганлигини айтди.
Америкалик ҳарбий хизматчилар Дананг шаҳар раҳбарияти ва Вьетнам армиясининг 3-ҳарбий-денгиз тумани қўмондонлиги билан учрашади, семинарлар, хайрия акциялари ва спорт тадбирларида қатнашади.
Изоҳ (0)