Польшанинг Познань шаҳрида газ портлаши ва шундан сўнг 4 қаватли уй қулаб тушиши оқибатида 4 киши ҳалок бўлди, 20 дан ортиқ киши яраланди. Бу ҳақда «РИА Новости» хабар бермоқда.
Жароҳатланганлардан 3 нафарининг ҳолати оғир эканлиги билдирилмоқда. Улар орасида бола ҳам бор.
Ҳодиса жойида қутқарув ишлари олиб борилиб, тирик қолганлар қидирилмоқда.
Шаҳар расмийлари мазкур уйда яшовчи ёрдам талаб қилинмайдиган фуқароларни яқин атрофдаги меҳмонхонага жойлаштирди.
Изоҳ (0)