«Тошшаҳарнур» давлат унитар корхонаси жорий йилдан бошлаб Тошкент шаҳрининг марказий кўчалари, турар-жой мавзелари, маҳалла кўчаларидаги эски русумдаги ёритгичларни замонавий нурдиодли энерготежамкор ёритгичларга алмаштириш ишларини олиб бормоқда. Бу ҳақда ЎзА хабар берди.
Ёритпичларни ёқиб-ўчириш ва назорат қилиш компьютер тизими ёрдамида марказий диспетчерлик хизмати орқали олиб борилади. Бунинг натижасида кўча чироқлари учун сарфланаётган электр энергиясидан йилига 31 миллион киловатт тежалади. Ҳар бир маҳалла, турар жой мавзелари, кўчаларда чироқларнинг доимий ёниши таъминланади.
Барча ишлар жорий йил ноябрь ойида тугатилади. Корхона кўча ёритиш тизимларида созлаш ва ишга тушириш ишларини бажариш даврида ёритгичларнинг ўчиб-ёнишида вақтинчалик носозликлар юзага келиши мумкинлигини инобатга олиб, кузатилиши мумкин бўлган ноқулайликлар учун олдиндан узр сўради.
Эслатиб ўтамиз, олдинроқ Тошкент шаҳрида йўл-транспорт ҳодисалари кўпайиб кетишига кўчаларнинг тунда яхши ёритилмагани сабаб бўлаётгани танқид қилинганди.
Изоҳ (0)