Фарғона вилоятининг Қува туманида фермерлик фаолияти учун ажратилган ерни уй-жой қуриш учун сотиб юборган фермер қўлга олинди, дея хабар бермоқда Ўзбекистон ИИВ Жамоатчилик ва оммавий ахборот воситалари билан алоқалар бошқармаси.
Хабар беришларича, 1956 йилда туғилган Т.Карашов ўзи раҳбарлик қилган фермер хўжалигига туман ҳокимининг 2006 йил 28 февралдаги қарори билан фойдаланиш учун ажратилган 13,26 гектар ернинг бир қисмини сотиб юборган.
Ернинг 5,30 гектари қонунга хилоф равишда якка тартибда уй-жой қуриш учун 34 нафар фуқарога жами 312 миллион сўмга сотиб юборилган. «Пулларни у ўз эҳтиёжлари йўлида ишлатиб юборгани маълум бўлди», — дейилади ИИВ ахборотида.
Қайд этишларича, ҳозирги вақтда Т.Карашов қўлга олинган, тергов ҳаракатлари олиб борилмоқда.
Изоҳ (0)